15-ci Yubiley Azərbaycan Beynəlxalq Kənd Təsərrüfatı Sərgisində 24 ölkədən 449 şirkət iştirak edəcək

Bakı, 16 may, İMZAİNFO

Mayın 18-dən 20-dək Bakı Ekspo Mərkəzində 15-ci Yubiley Azərbaycan Beynəlxalq Kənd Təsərrüfatı Sərgisi “Caspian Agro 2022” və 27-ci Azərbaycan Beynəlxalq Qida Sənayesi “InterFood Azerbaijan” sərgilərinin açılışına həsr olunmuş mətbuat konfransı keçirilir.

İMZAİNFO xəbər verir ki, Kənd Təsərrüfatı Nazirliyinin rəsmisi Toğrul Qafarbəyli bu il sərgidə rekord sayda milli və regional stendlər nümayiş olunacağını bildirib. Qeyd olunub ki, sərgidə 24 ölkədən 449 şirkətin iştirakı təsdiqlənib, bu da ötən illə müqayisədə bir qədər çoxdur. Nəzərə çatdırılıb ki, “Caspian Agro” kənd təsərrüfatı sahəsində ən böyük beynəlxalq sərgidir. Sərgidə Azərbaycan, ABŞ, Gürcüstan, Niderland, İspaniya, İsrail, İtaliya, Rusiya, Türkiyə və Ukrayna, Slovakiya, Yaponiya və digər ölkələrdən olan şirkətlər iştirak edəcək.

Sərgi çərçivəsində maraqlı tədbirlər və müzakirələr təşkil ediləcək.

“Caspian Agro 2022”in sərgisi Azərbaycan Respublikası Kənd Təsərrüfatı Nazirliyinin aktiv dəstəyi və iştirakı ilə keçirilir.

Paylaş