FHN: Kür çayında batan qızın meyiti dalğıc-axtarış qrupu tərəfindən tapılaraq çıxarılıb

Bakı, 10 aprel,  İMZAİNFO
Aprelin 9-da Fövqəladə Hallar Nazirliyinin (FHN) “112” qaynar telefon xəttinə daxil olmuş zəng əsasında Kür çayının Sabirabad rayonunun Cəngan kəndi ərazisindən keçən hissəsində batdıqları ehtimal olunan Hüseynli Məryəm Şahin qızının və Hüseynli Hüseyn Şahin oğlunun axtarışları FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupları tərəfindən davam etdirilir.
FHN-dən  İMZAİNFO-ya bildiriblər ki, aparılan axtarış işləri nəticəsində dalğıc-axtarış qrupu tərəfindən 2000-ci il təvəllüdlü Hüseynli Məryəm Şahin qızının meyiti bu gün günorta saatlarında Kür çayında tapılıb çıxarılaraq aidiyyəti üzrə təhvil verilib.
Batdığı ehtimal olunan 2016-cı il təvəllüdlü Hüseynli Hüseyn Şahin oğlunun axtarışları davam etdirilir.
Əlavə məlumat veriləcək.
Paylaş